Lyrics > Bläck Fööss > Edelweisspirate



Lyrics > B > Bläck Fööss > Edelweisspirate \| 0-9 A B C D E F G H I J K L M N O P Q R S T U V W X Y Z

Bläck Fööss - Edelweisspirate Lyrics:

Lyrics to Edelweisspirate by Bläck Fööss:

Correct These Lyrics

En Tafel us Bronze am Bahndamm anjebraat,
irjendeiner hätt 'ne Struuß Blome hinjelaat.
Em Spillzeuchlade vis-a-vis en Draumwelt, schön un bunt.
D'r Wind driev Rän üvver d'r Platz, wo ens d'r Jaljen stund.

Domols, als en brunger Naach de Freiheit es verreck,
e janz Volk wood en en Uniform jesteck,
do blöhte en unserer Stadt e Blömche, fies jeropp,
doch dat jing nit en trotz Hokekrütz un Dudekopp.

Refrain:
Edelweißpirate, su han se sich jenannt,
wo dat Blömche jeblöht hät,
joh do wor Widderstand.

Met Jittar jäje Nazimarsch, su fing et domols ahn.
Se woren jäjen Hitlerjroß un Häreminschewahn.
Se wullten kein HJ-Montur, se wullten keine Drill.
Se fuhren rus en de Natur un spillten Buffalo Bill.
Als dann '39 die Häre maate Kreech,
wor inne jäjen et Edelweiß jedes Middel rääch.
http://www.free-lyrics.org

Refrain

En Brauwieler un em EL-DE-Huus brutal zosammejewichs,
dat manch einer noch e Kind wor, drop joven die Henker nix.
Die, die sich nit zerbreche leete, woßten, jetz es Schluß,
beim nächste Mol, do simmer dran, mer künne nit mih noh Hus.

Met Junge us dem Ungergrund han se sich versteck.
Se kläuten Foder un Waffe, söns wören se verreck.
Se han och Nazis ömjelat, su wick hät mer se jebraat.
Em Oktober '44 wood e Deil vun inne jeschnapp.

Refrain

En Tafel us Bronze, am Bahndamm anjebraat,
irjendeiner hät 'ne Struuß Blome hinjelat.
Et Levve, dat jeit wigger. Weiß du, wat domols wor?
Vun denne, die he ömjebraat, wor der Jüngste 16 Johr.

Refrain

Edelweißpirate, su han se sich jenannt.
Doch dat weed en keinem Schullboch hück jenannt.

View more Bläck Fööss Song Lyrics:
     Bläck Fööss - Am Arsch Der Welt Lyrics
     Bläck Fööss - Bye Bye My Love Lyrics
     Bläck Fööss - En D'r Kayjass Nummer Null Lyrics
     Bläck Fööss - Schötzefess Lyrics
     Bläck Fööss - Et Kackleed Lyrics
     Bläck Fööss - Unsere Stammbaum Lyrics
     Bläck Fööss - Mer Losse D'r Dom In Kölle Lyrics
     Bläck Fööss - Et Spanien-Leed Lyrics
     Bläck Fööss - Mer Han 'nen Deckel Lyrics
     Bläck Fööss - Drink Doch Eine Met Lyrics