Lyrics > Patent Ochsner



Lyrics > P > Patent Ochsner > Ängu \| 0-9 A B C D E F G H I J K L M N O P Q R S T U V W X Y Z

Patent Ochsner - Ängu Lyrics:

Lyrics to Ängu by Patent Ochsner:

Correct These Lyrics

e warme wytwinku-wundertütetag
bricht a
bringt e zytlupemorge verby
& dä schmychlet sech y & dä schtrychlet di
wach
& vom dach vis-a-vis d melodie vom ne
fädervieh
wie fynziselierti luft & dr caféduft
vo unger us dr bar
ds früsche brot & ihri haar
dr gruch i ihrem äcke
ihri schlafwarmi huut
so gediege
«chumm mir blybe no chly lige»
das isch dänk
es grosszügigs gschänk
vom himu oder no vo höcher obe
ynegschobe
wär weiss ?
mir hei en ängu
i däm schpiu ligt villech glych nid eso viu i
üsne eigete häng &
aus wo hüt no schteit vergheit über churz
oder läng &
mir jage dür die tage uf liechte füess & mit
rüggewind
villech uf eim oug blind
& villech ou uf beidne
was söus - merci schön!
s het keni oder nume weni lüt am schtrand
ds fläschegrüene meer glänzt wie ne diamant
ds riserad & d achtibahn si beidi blybe
schtah
& dr yschgrem-maa seit «baby, too late»
packt zäme & geit hei
d ching si wieder i dr schueu
& dr schtueu
i dr bar vor em flipper isch wieder frei
& i dr zytig verspricht mys horoskop
päch i dr liebi aber glück im job
& ne lottogwinn ligi durchuus drin
we nid hüt oder morn
de uf jede fau
villech es angers mau
mir hei en ängu
i däm schpiu ligt villech glych nid eso viu i
üsne eigete häng &
aus wo hüt no schteit vergheit über churz
oder läng &
mir jage dür die tage uf liechte füess & mit
rüggewind
villech uf eim oug blind
& villech ou uf beidne
was söus - merci schön!

View more Patent Ochsner Song Lyrics:
     Patent Ochsner - Scharlachrot Lyrics
     Patent Ochsner - W. Nuss Vo Bümpliz Lyrics
     Patent Ochsner - Juanita La Luna Lyrics
     Patent Ochsner - Kater Lyrics
     Patent Ochsner - Fischer Lyrics
     Patent Ochsner - Honigmelonemond Lyrics
     Patent Ochsner - Ängu Lyrics
     Patent Ochsner - Grossbrand Lyrics
     Patent Ochsner - ... Auti Schtrass Lyrics
     Patent Ochsner - Schlaflied Lyrics